Danngschön vilmmol, Familie Klotz!
Mit em richtige Rezäpt,
hei mir e super Tag erläbt.
E Huffe Zyt zum vill z verzelle,
e Fernsehturm mit Sollbruchstelle,
Mit Sicht vo Rieche bis uf Wyhle
denn ins Casino zum go spiele.
Wo dr Profässer Eugen im Witere
d Spielbank churz het lo erzittere.
Me stosst nomol a, Proscht!
Und ab mit em Auto vo dr Poscht
Ins Höfli uf e traumhafts Ässe,
wo mir nid so schnell vergässe.
Mit em Wy zahle wird denn eh nix,
dank eusem Kamerädli Felix.
(obwohl, au ohni hätt s is gfalle).
Als Höhepunkt, für villi s Beschti,
die Föteli vom Suter-Neschti,
Wo zeigt hei, luegt me genauer:
e Höörli weniger, eis ‚chli grauer,
E Fältli meh, au bi de Fraue,
drfür hütt e chli besser baue.
Churz, au wenn sichs um Detail handlet,
optisch hei mir is liicht verwandlet.
Doch wichtig, das isch nid nur gschriibe:
Mir si dr gliich glatt Huffe bliibe!
I ha dr Plausch gha und ha s gnosse.
Drmit hätt ich jetzt au gschlosse.
Dank an alli wo drzue bitreit hei.
Bis zur Neggschte Zämmekunft, bye, bye!
von Hansruedi Dill